Thirikari nigakorwa ikirugamirira mathiko ma muvotani njorua wa mavenya Kelvin Kiptum .
Ndeto ino yaniriritwe mucemaniori wa kanju ya maminista na uria uratongoretue ni raisi William Ruto umunthi varia metikaniritie kelvin Kiptum gugakorwa akiumagarua ta njorua .
Kanju ino ya manista wauguo nikorirwe igicakaa na gutia kelvin Kiptum varia makiambiriria mucemanio uyu makirire dagika imwe ya kuririkana mutigairi na coach waka Gervais Hakizamana.
Ndumiriri ino yukite vuva wa minista wa mithako Ababu Namwamba muthenya wa jumatatu kuuga thirikari niikoretwe ikinyitanira na andu a mucii a kiptum niguo gutigirira mutigairi niwaumagarua waro.
Kiptum mari na Coach wake Hakizimana makwire muthenya wa jumapiri kurumirira mutino wa varavara mwena wa kaptagat kauntiri ya Elgeo Marakwet .
Kiptum akathikwa kwao mucii kaptagat jumamosi ya kiumia giuku tariki 24.
-Mwende Njiru
-Mbica irutitwe online
