Ruvonge rwa kuramata mbei ya maguta niruo Energy and Petroleum Regulatory Authority (EPRA) rugite mbei ya maguta ma Petrol, Diesel na maria ma taa ndigucenjia vanduri va mweri umwe muku.
Kuvetukira ndumiriri iria irekereretue kuma ruvongeri ruu ni ati itua riu ria kurega gucenjia thogora rikinyiritwe niguo kugitira onjoria na aguri kumana na urugari wa kwambatira kwa ngarama ya muturire.
Uguo ni kuga thogora uria wanirirue tariki 14 mweri wa kathatu nwaguo ukuthii na mbere nginyagia tariki 14 mweri wa gatano mwaka uyu. Kurumirira rivoti io, maguta ma Petrol nimathii na mbere kwendua ciringi 123.91, Diesel ciringi 108.77 namo maguta ma taa makiendua ciringi 98.95 vari wa lita imwe guku Embu.
Keruguya, Petrol ikendagua ciringi 123.83, Diesel ciringi 108.68 namo maguta ma taa ciringi 98.87. Maguta mama nimathii na mbere kugurwa na mbei ino nginyagia tariki 14 mweri wa gatano mwaka uyu, riria EPRA ikaruta mbei ciingi njeru cia maguta.
-Muriithi Triple M
