Mutongoria wa vururi raisi Uhuru Kenyatta nukinyite kivarori kia mawonania kia Lusaka kugwatanira vamwe na atongoria matiganite thiini wa igongona ria kuririkana raisi wa mbere wa vururi wa Zambia Kenneth David Kaunda.
Atongori aria mekinyitie guku ni vamwe na raisi a vururi wa South Africa, Zimbabwe na Zambia .
Engi ari mekinyitie guku ni raisi wa Malawi Lazarus Chakwera, raisi Mokgweetsi Masisi wa Botswana, uria wari raisi Jakaya Kikwete na raisi wa vururi wa Namibia Hage Geingob.
Kaunda uria wavuranire muno wiyathi akuire tariki 17 mweri wa gatandatu mwakari ari na ukuru wa miaka 97.
Vuva wa gikuo giake maavitha a mbiraru makoretwe makivira mwiri wake thiini wa provinces itiganite niguo ekari mavote kumuva gitio kia muthia .
Kaunda akariririkanagwa muno na gukorwa aruire ivoto cia aria mari ma murimu wa mukingo varia akoretwe akiyumiria kuri mwingi na kuuga umwe wa mwana wake akuire kuumana na murimu uyu .
Igongona riri rikikite mbere ya mathiko make maria magekika tariki 7 mweriri .
Wanja wa Njiru
Mbica irutitwe online
