Gikundi kia ariithi 27 muthenya wa ira nimaroragirwo na angi gucoka kugurara ni kiria borithi mareta mututhuko wa mbomu gatagati ga gitaro kia bururi wa Nigeria,gicigirira kiria gikoragwo na kithagathago kia ukabila na mbara cia kidini.
Ariithi na ng’ombe ciao marari ituraini ria Rukubi mubakaini wa Nasarawa na Benue bindi ya mututhuko ucio.
Ariithi na arimi gitaruini giki kia Nigeria makoretwo makigucaniria maai na kundu gwa kuriithiria kwa ibinda ria makiria ma miaka ikumi.
Mbara ici ciongererekete miakaini mibituku thutha wa arithi amwe kuingira ikundini cia wiki nai, na kwambia kutharikira aikari guku makimacinira micii yao.
Ugitiri ni undu umwe ugumiire bururi wa Nigeria riria ithurano nene itigaritie mweri umwe, niguo kwetha mutongoria ungi uria ukuoya ithenya ria Raisi Muhammadu Buhari uria wari komanda wa tene wa biraru bururini ucio.
–Muriithi Amos-
Mbica irutitwo online