Senata wa kaunty ya Nairovi Edwin Sifuna ni ucokeretie rais William Ruto niundu wa ndumiriri yake igie mbukaniriro gatagti ka thirikari na arigitani aria mai mugomori.
Rais Ruto muthenya wegoro ni urerire atongoria aria maranyita mbaru mugomo wa arigitani kumariva guku akiuga thirikari ndi na mbeca cia kuriva arigitani.
Mathaa manini vuva wa miario ya Rais ,Senator Sifuna ni umenereretie rais guku akiuga mendekithia ma arigitani mavatie gukorwa makivingua kuona micara yao irivagwa kuma gotyiri uria unganagua na ti muvukori wa Rais.
Wavo Sifuna ni wonanitie kurega kwiganira kurumirira mikana iria ivecanitwe ni munene wa maavitha a vorithi Japhet Koome uria ukanitie arigitani kuthie mururunganori.
Sifuna augite Koome ni wonanitie gukorwa atakinyaniritie ikiro na gukorwa ai waviciri ya ugitiri wa vururi ni ugwati munene kuri gukinyaniria watho.
Mbica irutitwo online
Murugi wa Gitonga