Minista wa ruvonge rwa maundu ma ndari ya vururi Kithure Kindiki, ni waniririte ikinyo ria thirikari ria gutethia aria mavutitue ni mwicuro wa manji uria ucungiriritue ni mbura nene iria ithiite na mbere kura vururiri.
Ndumiririri iria irekereretue muthenya wa umunthi,Kindiki augite ta uria mwerekera uvecanitwe ni rais William Ruto ,nyomba cia kuroria mitino vururiri cia ruvonge rwa maundu ma ndari ya vururi ni itongoretie nvonge itiganite cia thirikari na cia kuvurana na mitino, wa vamwe na kambuni cia gutethereria aria mavutitue ni mwicuro.
Kindiki ni wongererete na kuga timu cia ugitiri wa kaunty itiganite kuonthe vururiri ni mavetwe mwerekera kurutithania wira na aruti wira a thirikari cia kaunty niguo gutigirira aria mai ugwatiri wa mwicuro nimathamithua guku akiuga thirikari niyambiriritie gutambia irio na indo ciingi kuri aria mavutitue na kuthamithua micii kwao.
Wavo ni ugite ruvonge rwa urathi wa riera na nvonge cia varavara ni igwikara ikivecaga mwingi motaro ma kuria kwina ugwati wa gukorwa na mbura nene na varia atarite atwarithia a ngari kwithema na miena iri na mwicuro maai.
Mbica irutitwo online
–Murugi wa Gitonga-
